Presidenti i Republikës së Kosovës, Hashim Thaçi, ka deklaruar se vendi ynë ka shënuar progres në vitet e fundit dhe se konsolidimi i mëtutjeshëm i institucioneve shtetërore e politike është qenësor për zhvillimin e mëtutjeshëm të vendit.
Ai këto komente i bëri të mërkurën gjatë një takimi që pati me shefin e Zyrës së Fondacionit “Konrad-Adenauer” për Kosovë dhe Maqedoni, Johannes Rey.
Kreu i shtetit e falënderoi z. Rey për angazhimin e tij në Kosovë dhe në rajon, veçanërisht përmes programeve të edukimit qytetar, duke përfshirë edhe bursat për studime dhe aktivitetet kulturore.
Shefi i Zyrës së Fondacionit “Konrad-Adenauer” për Kosovë dhe Maqedoni, Johannes Rey, është shprehur se ky fondacion i jep mbështetje bashkëpunimit me partitë politike në rajon dhe zhvillimit të kapaciteteve të tyre.
Presidenti Thaçi theksoi se edukimi politik i brezave të rinj të politikanëve është i rëndësishëm për Kosovën, njofton Departamenti i Informacionit dhe Komunikimit me Publikun.
