Këshilltari i kryeministrit tregon përse Kosova është kundër tregut unik në Ballkan

Aktuale

Këshilltari i kryeministrit tregon përse Kosova është kundër tregut unik në Ballkan

Më: 18 mars 2017 Në ora: 00:24
Sokol Havolli

Këshilltari i kryeministrit Isa Mustafa, Sokol Havolli, në emisionin Interaktiv, ka treguar arsyet se përse Kosova është kundër tregut unik në Ballkan.

Havolli ka thënë se Kosova tashmë e ka të rregulluar tregun e jashtëm me marrëveshjet siç janë CEFTA dhe MSA-ja. Çkado tjetër përtej këtyre sipas Havollit, është e panevojshme dhe jo e dobishme për Kosovën.

Havolli ka folur për idenë e tregut unik të Ballkanit që është diskutuar në samitin e Sarajevës.

“Në fakt kur ka ardhur si propozim prej këshillit të përbashkët rajonal. Dikush e ka dhënë si ide aty. Ne kemi pasur vërejtjet tona në këtë propozim sepse ka ndodhur në një afat shumë të shkurt. Ka pasur një deklaratë të përbashkët për këtë çështje, por e kemi reduktuar deklaratën e përbashkët”, ka thënë Havolli.

“Kryeministri e ka thënë se Kosova është për tregti të mallrave dhe se nuk ka asnjë barrierë për këtë. Në fakt kemi kërkuar sqarime [tregun unik] por nuk kanë ardhur. Jemi kundër pasi diplomat e Kosovës nuk pranohen në vendin e rajonit si mungesë e lirisë të lëvizjes në disa prej këtyre vendeve, jemi të pabarabartë në këtë treg, prandaj është një refuzim pa asnjë mëdyshje”, ka shtuar ai.

“Është rivizatim i një harte të vjetër që nuk i përfshin disa vende të BE-së”, ka thënë veç të tjerash Havolli.

Sot mund të lexoni Shfletoni kopertinat