Sekretari Organizativ i Lëvizjes Vetëvendosje, Dardan Molliqaj, përmes një shkrimi në profilin e tij ka reaguar pas zhurmës që u bë lidhur me publikimin e një sondazhi ku VV ka dalë partia e parë në vend. Ai ka duke arsyetuar këtë sondazh ka pyetur partitë politike se “pse po ju dhemb kaq shumë ky sondazh”?
Ky është shkrimi i plotë i Molliqajt:
Sot publikuam një sondazh të realizuar nga Ubo Consulting. Të gjitha partitë politike paskan reaguar. Madje edhe kryeministri. Dy gjëra me rëndësi:
1.Nëse sondazhi qenka i pavërtetë dhe i parëndësishëm, pse gjithë ky reagim i pakontrolluar nga kryeministri, etj. Pse po ju dhemb kaq shumë ky sondazh?!
2.Nëpër të gjitha vendet demokratike praktikohet organizimi i sondazheve dhe publikimi i tyre (edhe nga subjektet politike). Pse gjithë ky mllef ndaj një praktike shumë normale në vendet e BE dhe SHBA? A nuk besojnë këta në vlerat dhe praktikat e këtyre vendeve?!
Por në anën tjetër, gëzimi i qytetarëve me këtë lajm është shumë i madh. Unë i falënderoj qytetarët për mbështetjen e tyre. Kjo po vërehet masivisht edhe në tubimet tona gjithandej në Kosovë.
P.S. Sondazhi është organizuar nga Ubo Consulting kurse ne thjeshtë kemi qenë një nga shumë klientët në këtë hulumtim.
