Policia britanike ka bërë të ditur se katër veta kanë humbu jetën të mërkurën në sulmin para Parlamentit britanik dhe urës Vestminster në qendër të Londrës.
Siç transmeton “Guardian”, në mesin e të vrarëve është edhe një polic dhe sulmuesi.
Në sulmin në Londër janë lënduar edhe tre nxënës francezë, kanë konfirmuar zyrtarë francezë.
Tre nxënësit të moshës 15 dhe 16 vjeç janë nga Bretanja në perëndim të Francës, shkruan gazeta rajonale “Le Telegram”.
Me këtë numri i përgjithshëm i të lënduarve në incidentin e sotëm, sipas policisë, është ngritur në gjithsej 20.
Ndryshe, policia incidentin e ka quajtur “sulm terrorist”.