Fotoja e tij ka bërë xhiron e botës.
I dëshpëruar dhe me fytyrën me gjak, deputeti dhe ministri britanik Tobias Ellwood, ishte ndër të parët që nxitoi në skenën e krimit në Londër.
50-vjeçari kërkoi që të risillte në jetë policin e plagosur Keith Palmer.
Ai i bëri frymëmarrje gojë me gojë, por pa sukses.
Polici vdiq pak pasi u qëllua me thikë nga terroristi.
Mediat e kanë vlerësuar politikanin si një hero tragjik.
“Kërkova që të ndaloj rrjedhjen e gjakut, por ai kishte humbur shumë gjak. Kishte shumë plagë në trup,” tha ai i dëshpëruar për mediat.
Polici që humbi jetën ishte 48 vjeç.
Mediat thonë se ai ishte një baba i shkëlqyer dhe një punonjës shumë i mirë.
Ndërkohë politikani Ellwood, ish-ushtarak, ka humbur vëllanë e tij në sulmin terrorist të Balit.