Kryetari i Degës së Tretë të LDK-së në Prishtinë, Hazir Borovci është shprehur se Isa Mustafa në LDK është i denjë i presidentit të ndjerë, Ibrahim Rugova.
“Isa Mustafa është trashëgimtar i denjë i Rugovës, siç ishte ishte psh, presidenti Fatmir Sejdiu. Ai po e çon vendin në rrugën e drejtë”.
Borovci në Info Magazine ka thënë se LDK nuk e ka humbur Prishtinën dhe se do ta fitojë sërish.
“Si parti jemi të parët kur bëhet fjalë për Asamblenë. Kryetarin nuk e kemi. Prishtinën do ta kthejmë, bashkërisht me tërë anëtarët e devotshëm të LDK-së”.
“Më gëzon fakti që flitet për shumë emra, ka dhjetëra veta nga LDK që mund t’i dalin zot Prishtinës. Nuk them se jam për emra, sepse kemi disiplinë të brendshme intelektuale, i shtrojmë çështjet në nivelet e degëve, në kolegjiumin e Prishtinës dhe më pas në nivelet më të larta”.
“Në LDK nuk fiton individi, cili do që të del LDK-ja është unike. LDK është frymëmarrje e shëndetshme për Prishtinën”.
Ai ka thënë se nëse aplikohet filozofia rugoviane atëherë më shumë gjasë LDK mund të dalë e para në zgjedhje.
