Zyrtarët institucionalë po vazhdojnë të keqpërdorin paratë e taksapaguesve të qytetarëve të Kosovës.
Këtë e dëshmon edhe rasti i ambasadorit të Kosovës në Gjermani Skender Xhakaliu, i cili ka shpenzuar 75 euro nga buxheti i Kosovës për të dizajnuar fotografinë, e cila gjendet në faqen e Ambasadës së Republikës së Kosovës.
Gazeta “Bota sot” ka siguruar edhe dokumentin me arsyetimin e kësaj Ambasade drejtuar Ministrisë së Punëve të Jashtme të Kosovës dhe faturën.
Siç shihet në dokument, rasti skandaloz, ka ndodhur në mars të vitit 2013.
Kujtojmë se Xhakaliu, më 19 qershor të vitit 2012, i dorëzoi letrat kredenciale të akreditimit si ambasador i Republikës së Kosovës në Republikën federale të Gjermanisë, presidentit të Republikës Federale të Gjermanisë, Joachim Gauck. /BS/
