Bombarduesit strategjikë rusë gati të fluturojnë mbi Ballkan

Aktuale

Bombarduesit strategjikë rusë gati të fluturojnë mbi Ballkan

Më: 26 prill 2017 Në ora: 05:27
Kreu i Qendrës Ruse për Reduktimin e Rreziqeve Bërthamore njoftoi zyrtarisht fluturimet e ashpra.

Ministria ruse e Mbrojtjes ka njoftuar se ushtria  e saj do të fluturojë këtë javë mbi Ballkan për të vlerësuar, sipas tyre “ kërcënimin bërthamor të rajonit”.

“Daily Star” shkruan se avionët spiunë të Vladimir Putinit do të fluturojnë  mbi vendet e Ballkanit, deri më 29 prill, përfshire edhe anëtarët e NATO-s si Kroacia dhe Sllovenia, që të bëjnë “vëzhgime”.

Kreu i Qendrës Ruse për Reduktimin e Rreziqeve Bërthamore njoftoi zyrtarisht  fluturimet e ashpra.

“Në kuadrin e zbatimit të Traktatit të Qiejve të Hapur, Rusia planifikon të kryejë një fluturim vëzhgimi me avionin rus “ An-30B” mbi territorin e Sllovenisë dhe Kroacisë “,- tha kreu i Qendrës të Ministrisë së Mbrojtjes, Sergei Ryzhkov.

Aeroplanët rus do të lejohen të ngrihet nga aeroportet e kryeqytetit slloven të Lubjanës dhe kryqytetit kroat të Zagrebit. Vëzhguesit francezë do të jenë në bord për të kontrolluar forcat ruse, sqaron gazeta britanike.

Traktati i Qiejve të Hapur, i cili hyri në fuqi në vitin 2002, duhej të rindërtonte besimin mes ish-Bashkimit Sovjetik dhe NATO-s.

Megjithate Moska ka testuar në mënyrë të përsëritur mbrojtjen ajore të NATO-s.

Aeroplanët amerikanë u ngritën katër herë gjatë javës së kaluar, për të larguar avionët bërthamore rus që i afroheshin Alaskës.

Image
Image
Sot mund të lexoni Shfletoni kopertinat