Pas mbylljes së seancës dhe marrjes së vendimit për lirimin e tij, Ramush Haradinaj ka dal i lumtur nga Gjykata e Apelit në Colmar.
Ai ka treguar se kërkesa për ekstradim është refuzuar dhe që nga sot është i lirë.
“Procedura u mbyll u refuzua kërkesa për ekstradim që nga tani jam i lirë. Besoj se do të kthehem sot. Katër muaj kohë është e çmueshme. Besoj që ka ndodhë ajo që është dasht me ndodh e drejta jonë është e drejta jonë”, ka thënë Haradinaj.
Lideri i AAK-së pritet të kthehet sot nga Franca ndërsa në orën 19:00 do të ju drejtohet qytetarëve në sheshin e kryeqytetit ‘Zahir Pajaziti’.