Kryetari i Kuvendit të Kosovës, Kadri Veseli, ka përshëndetur vendimin e Kuvendit të Malit të Zi për anëtarësimin e vendit në NATO, duke thënë se kjo paraqet një hap të rëndësishëm jo vetëm për këtë shtet fqinj, por edhe për Kosovën.
“Dua të uroj kolegët e Parlamentit të Malit të Zi për votën historike që sapo kanë dhënë për anëtarësimin në Organizatën e Aleancës të Atlantikut Verior. Anëtarësimi në NATO është një hap i rëndësishëm, jo vetëm për shtetin tonë fqinj por edhe për Kosovën, duke e bërë rajonin tonë më të sigurt”, shkruan Veseli në një postim në Facebook.
Kuvendi i Malit të Zi sot votoi për hyrjen e vendit në Aleancën Veri-atlantike.
