Mogherini: Ballkani përparësi e BE-së, Brexiti nuk na dobësoi - Bota Sot
Mogherini: Ballkani përparësi e BE-së, Brexiti nuk na dobësoi

Aktuale

E mërkurë, 22 nëntor 2017

Mogherini: Ballkani përparësi e BE-së, Brexiti nuk na dobësoi

Më: 11 maj 2017 Në ora: 22:28
Federica Mogherini

Shefja e Bashkimit Evropian për Politikën e Jashtme, Federica Mogherini, ka thënë se BE jo vetëm që nuk do të tkurret, por është duke shikuar me përparësi mundësinë e aderimit të vendeve ballkanike.

E pyetur mbi mundësinë e anëtarësimit të Serbisë, Malit të Zi dhe Kosovës si një taktikë edhe për të kapërcyer problemet e fqinjësisë, Mogherini tha për “La Stampa” se situata është përmirësuar.

“Falë raportit të secilit prej këtyre vendeve me Bashkimin Evropian, janë kuruar shumë nga plagët e një lufte që ka ndodhur vetëm 20 vite më parë. Rruga është ende e gjatë dhe jo lineare. Megjithatë jam e bindur që do të vazhdojë edhe falë faktit që këto vende e duan aderimin në BE”, u shpreh Mogherini.

Brexiti sipas saj nuk ka shënuar aspak fundin e unionit, siç besonin shumë skeptikë duke i cilësuar zgjedhjet e fundit në Francë si një nga treguesit e vlefshëm të këtij fakti.

“Pas referendumit për daljen e Britanisë së Madhe nga Bashkimi Evropian ishin të shumtë ata që parashikuan se ai votim do të ishte fillimi i fundit, por të gjitha zgjedhjet, jo vetëm në Francë kanë treguar të kundërtën. Natyrisht që ka probleme me të cilat duhet të përballemi, sepse shqetësimi i qytetarëve është real, por evropianët kane nisur të kuptojnë se çfarë është realisht në lojë dhe francezët e thanë qartë se mbështesin projektin evropian sepse e konsiderojnë pjesë të zgjidhjes”, thotë Mogherini.

Komentet
comments powered by Disqus
Sot mund të lexoni Shfletoni kopertinat
Sondazh
    test