Avdullah Hoti, i nominuar për kryeministër nga LDK-ja ka garantuar se nesër do të del lista e deputetëve.
Ai ka deklaruar se kjo listë do të jetë listë e fitores.
“Uniteti ynë ka bërë bashkë kundërshtarët. Ju garantoj që nesër kur të finalizohet lista edhe me partnerët, do të jetë listë e fitores”, ka thënë ai.
Këto deklarata, Hoti i ka dhënë pas përfundimit të mbledhjes së Këshillit të Përgjithshëm të LDK-së.
Në anën tjetër, Agim Veliu ka thënë se lista përmban emra të deputetëve të rinj, por edhe të atyre të mëhershëm.
