Kryetari i Lidhjes Demokratike të Kosovës, Isa Mustafa ka thënë se me dhimbje të thellë e ka marrë lajmin për vdekjen e papritur të deputetit Agim Kika.
Mustafa ka ngritur lartë veprën e Agim Kikajt, si dhe ka thënë se ai ishte shembull i sjelljes, komunikimit dhe artikulimit, në Kuvendin e Kosovës.
Postimi i plotë:
Të dashur miq, Me dhembje të thellë mora lajmin për vdekjen e papritur të veprimtarit tonë të shquar të LDK-së, Agim Kika. Agimi ishte shembull i sjelljes, komunikimit dhe artikulimit, në Kuvendin e Kosovës, në aktivitetet e LDK-së dhe kudo që ishte. Gjithherë rrezatonte dashuri ndaj njerëzve e thërriste të jemi bashkë. Ngushëllime familjes Kika; ngushëllime z. Agim Veliu, Kryetar i Komunës së Podujevës dhe i Degës së LDK-së së Podujevës; ngushëllime miqve e bashkëveprimtarëve tanë dhe qytetarëve të Kosovës. E ngushëlloj thellë edhe veten time për humbjen e një njeriu të dashur dhe shumë të respektuar. IM
