Partia Demokratike e Kosovës dhe Lidhja Demokratike e Kosovës janë shtyrë për atë se kush nga këto parti i kanë listat më përmbajtjesore.
“Nëse kishim shikuar përmbajtjen e listës, atëherë padyshim që lista e LDK-së është listë fituese e zgjedhjeve”, ka thënë Blerim Grainca nga LDK.
“Se lista jonë është më e mirë dëshmon edhe frika në taborin tjetër”.
Në anën tjetër Ganimete Musliu nga Partia Demokratike e Kosovës, ka thënë se lista e tyre me kandidatët e propozuar do të jetë fituese e zgjedhjeve.
“PDK ka një ofertë të mirë për qytetarët, ka personalitete të cilët janë të dëshmuar në etapa të ndryshme kohore”.
“PDK është e përgatitur për t’i fituar zgjedhjet”.
Musliu dhe Grainca këto komente i kanë bërë në Ballë për Ballë të Orës së Fundit.
Ata të dy kanë debatuar ashpër edhe për projektet kapitale, duke akuzuar njëra-tjetrën se nuk është bërë asgjë në këtë drejtim.
