Themeluesi i Alternativës, Ilir Deda ka thënë se blloku tjetër i koalicionit PDK-AAK dhe NISMA e kanë nisur egër fushatën dhe se sipas tij ajo si e tillë do të vazhdojë.
“Nuk është e drejtë të përdoret egërsia në fushatë zgjedhore”, ka thënë Deda.
“Logjika përçarëse në politikë bërje ka ardhur nga Hashim Thaçi – ai kështu ka qeverisur”, ka pohuar Deda në Magazina Zgjedhore.
Sipas Dedës populli ka qenë i armiqësuar politikisht dhe nuk ka kohë më për armiqësi.
“Ne jemi kundërshtarë politikë, por brenda vetes nuk jemi armiq”, ka shtuar Deda.
