Kandidati për kryeministër nga Lëvizja Vetëvendosje, Albin Kurti ka takuar në mëngjesin e së shtunës pensionistët.
Gjatë takimit, Kurti i ka premtuar pensionistëve se paga e tyre minimale do të jetë 150 euro brenda mandatit të parë.
Postimi i plotë i Kurtiti në Facebook:
Pensionistët e të moshuarit dëshirojnë ndryshim. Sot në mëngjes u takuam bashkë me ta në autobusin urban drejt parkut të Gërmisë, ku unë iu bashkova kafes së tyre të mëngjesit.
Trajtimi i pensionistëve në shtetin tonë ka qenë jo dinjitoz, dhe qeveritarët e mëparshëm kanë qenë mosmirënjohës ndaj gjeneratave më të moshuara. Me qeverisjen e Lëvizjes pensioni minimal do të bëhet 150 euro brenda mandatit të parë. Shumë shërbime publike, ndër të cilat dhe transporti publik, do të jenë falas për pensionistët.
Me djersën e tyre jemi rritur ne, dhe sot ua kemi borxh trajtimin dinjitoz.
#Albini2017
