Lideri i AAK-së Ramush Haradinaj është takuar sot me Princin Leka II, i cili po qëndron për vizitë në Kosovë.
Haradinaj ka publikuar një fotografi me Princin në llogarinë e tij në Facebook, ku ka shrephur kënaqësinë që e ka takuar atë, përcjell Bota sot.
“Orientimi dhe përkushtimi ynë i fuqishëm drejt integrimit të plotë në familjen euro-atlantike është garancë në ndërtimin dhe sigurimin e të ardhmës së sigurt për të gjithë shqiptarët”, ka shkruar ai.
Postimi i plotë:
Kënaqësi e veçantë ta takosh, Naltësinë e Tij Mbretërore Leka II, Princ i Shqiptarëve, në këtë periudhë kohore me rëndësi për gjithë shqiptarët në Ballkan.
Orientimi dhe përkushtimi ynë i fuqishëm drejt integrimit të plotë në familjen euro-atlantike është garancë në ndërtimin dhe sigurimin e të ardhmës së sigurt për të gjithë shqiptarët, zhvillimin tonë, marrëdhënieve fqinjësore, bashkëpunimit dhe paqes afatgjate në Ballkan.
RH./BS/
