Presidenti i Kosovës, Hashim Thaçi, është shprehur i pikëlluar me vdekjen e ish- zëvendës-kancelarit dhe ministrit të Jashtëm të Austrisë, Alois Mock.
Në një postim në Facebook, Thaçi ka shkruar se gjatë viteve të 90-ta, Mock u bë zë i fuqishëm i të drejtave të popullit të Kosovës.
"Ai luajti rol thelbësor në ndërkombëtarizimin e çështjes së Kosovës. Parimi i tij i Politikës së Jashtme ishte largpamës për kohën, ai nuk mund të ishte neutral ndaj shkeljeve sistematike të të drejtave në Kosovë. Angazhimi i tij për lirinë e Kosovës u shndërrua më vonë në platformë evropiane, ndërkombëtare. I përjetshëm kujtimi për të”, ka shkruar Thaçi.
