Hashim Thaçi ishte zgjedhur President pas tri raundeve të votimit, në mungesë të partive opozitare të cilat ishin larguar pasi kishin hedhur gaz lotsjellës.
Mënyra e zgjedhjes së Thaçit si President i vendit është komentuar shumë si nga analistët, ashtu edhe nga shoqëria, mirëpo ajo çfarë kishte tërhequr vëmendjen ishte edhe dhurimi i “luleve presidenciale” Teutës, të bijës së Presidentit historik, Ibrahim Rugova.
Edhe pse sipas shumicës Teuta Rugova mbase nuk i ka pranuar lulet me dëshirë të saj, mirëpo ndoshta këto lule kanë ndikuar në votat e saj.
Teuta Rugova, në zgjedhjet e 8 qershorit 2014, kishte marrë 37. 178 ndërsa tani në zgjedhjet e 11 qershorit ajo ka pësuar një rënie në 7 mijë e 149 vota.
Rugova ka qenë deputetja më e re dhe më e heshtur në Kuvendin e Kosovës, ajo nuk ka marrë fjalën asnjëherë në foltoren e kuvendit, ndërsa gjatë tërë mandatit ka bërë vetëm një pyetje parlamentare.
