Ministri i Financave Avdullah Hoti ka pritur sot në takim ambasadoren e Kroacisë në Prishtinë Marija Kapitanoviq, me të cilën diskutuan për bashkëpunimin ndërmjet dy vendeve.
Me këtë rast ministri Avdullah Hoti duke shprehur gatishmërinë e tij për vazhdimin dhe thellimin e mëtutjeshëm të bashkëpunimit ndër institucional, e vlerësoj lartë ndihmën e shtetit të Kroacisë për Kosovën, me theks të veçantë ofrimin e përvojës së shtetit Kroat për Kosovën në proceset integruese të saj në Bashkimin Evropian.
Ndërsa, ambasadorja kroate Marija Kapitanoviq, e falënderoi Hotin për pritjen dhe shprehu gatishmërinë e saj dhe të shtetit kroat për mbështetjen edhe në të ardhmen të institucioneve të Kosovës në rritjen e bashkëpunimit ndërmjet dy vendeve.