Ai ishte deputet i PDK-së në legjislaturën e fundit të Kuvendit të Kosovës, Nait Hasani nuk ka arritur të marrë vota të mjaftueshme që të jetë pjesë e legjislaturës së re.
Hasani, në një postim në Facebook, ka thënë se ai pavarësisht rezultatit të KQZ-së, do të vazhdojë që në mandatin tjetër të provojë sërish që të jetë pjesë e legjislaturës tjetër, shkruan Bota sot.
Postimi i tij i plotë:
Të dashur qytetar, struktura e simpatizant të Partis Demokratike në Kosovë.
Ju falenderoj për mbështetjen, përkrahjen tuaj, u jam mirënjohës përhere.
Pasi KQZ ka bërë çertifikimin e rezultateve të zgjedhjeve të Qeshorit, unë nuk kam mundur të bëhem deputet me votat e KQZ për disa ditë!
Por unë me votën tuaj do të jem aty deputet për mandatin e pestë në Kuvendin e Kosovës.
Do jem gjithmon afer jush, do të vazhdoj të punoj për interesat e shtetit të Kosovës.
Zëri im do të dëgjohet edhe më fuqishëm në mbrojtjen e shtetit dhe vlerave të qytetarëve të Kosovës.
Ditët e mira për qytetarët e Kosovës do të vijnë..
I juaji Nait Hasani./BS
