Lideri i AAK-së, Ramush Haradinaj, i nominuari për kryeministër nga koalicioni PAN, ka thënë se votat e tij janë dyfishuar, megjithëse se zgjedhjet u mbajtën në rrethana të jashtëzakonshme.
Ai zotohet se angazhimi i tij nuk do të jetë në kundërshtim me interesin qytetar.
Ai përmes një postimi në Facebook ka falenderuar votuesit e tij, në zgjedhjet e 11 qershorit.
Postimi i plotë:
Te nderuar qytetarë të Kosovës, të nderuar votuesit e mi!
Mbështetja dhe vota që ma keni dhënë në zgjedhjet e 11 Qershorit, është besimi i Juaj i madh, pa të cilin unë nuk mund ta bëja as edhe një hap!
Nga zemra Ju faleminderit!
Megjithëse këto zgjedhje u mbajtën në rrethana të jashtëzakonshme dhe në kohën e vendimeve, që nuk jam shumë i sigurt që u kuptuan menjëherë e nga të gjithë, dyfishimi i votës suaj për mua, është nder por edhe përgjegjësi.
Ju siguroj se angazhimi im, kurrë dhe asnjëherë, nuk do të jetë në kundërshtim me interesin qytetar e shtetëror të Kosovës!
Do ta bëjë të pamundurën që besimin tuaj ta kthej në fuqi e percaktim per zhvillimin dhe përparimin e Kosovës sonë të përbashkët!
Na priftë e mbara!
RH/BS