Kryetari i Këshillit Kombëtar të NISMA për Kosovën, Jakup Krasniqi ka pritur sot në takim Shefen e Zyrës së BE-së/Përfaqësuesen e Posaçme të BE-së në Kosovë, Nataliya Apostolova.
Gjatë këtij takimi të zhvilluar në zyrat e BE-së në Kosovë, Krasniqi dhe Apostolova, kanë biseduar për situatën pas certifikimit të zgjedhjeve të 11 qershorit.
Po ashtu, gjatë këtij takimi, kryetari i Këshillit Kombëtar, Krasniqi, ka paraqitur pikëpamjet e tij rreth formimit të shpejtë të institucioneve në mënyrë që të vazhdojnë me procesin e reformave sa i përket agjendës europiane të Kosovës.
Gjithashtu, Krasniqi ka nënvizuar nevojën që institucionet e Kosovës më mirë të komunikojnë rreth asaj se çfarë nënkupton agjenda evropiane dhe e propozoi si aspekt pozitiv organizimin e sa më shumë tryezave ku institucionet vendore dhe ato ndërkombëtare do të debatonin për luftimin e korrupsionit dhe dukurive negative në vend.
Po ashtu, pjesë e takimit ishte edhe sekretari për Marrëdhënie me Jashtë të NISMA-s, Skender Reçica,
Në fund të takimit, të dy bashkëbiseduesit, Krasniqi dhe Apostolova, janë dakorduar për thellimin e bashkëpunimit dhe komunikimit.
