Presidenti i Kosovës Hashim Thaçi ka shprehur mirënjohjen dhe mbështetjen për senatorin amerikan John McCain, i cili është diagnostikuar me kancer në tru.
“Lajm i keq për një hero të vërtetë në luftën kundër terrorit dhe shtypjes. I nderuari senatori JohnMcCain, e gjithë Kosova do të lutet për juve dhe familjen tuaj”, ka shkruar Thaçi në Twitter.
Për këtë gjendje shëndetësore të senatorit McCain, kanë bërë të ditur mediat e huaja ku thuhet se kjo diagnozë rezultoi pas operimit të tij për të hequr koagulimin e gjakut.
McCain pothuajse tre muaj më parë ishte për vizitë zyrtare në Kosovë.
Ambasadorja kosovare në SHBA, Vlora Çitaku është deklaruar rreth sëmundjes së mikut të Kosovës, John McCain.
Çitaku duke e quajtur atë mik të Kosovës ka theksuar se McCain është kampion i lirisë.
Ky është postimi i plotë në Twitter:
Senatori McCain ishte kampion i lirisë dhe mik i madh i Kosovës. I dëshirojmë shërim të shpejtë. Kanceri mund ta prek atë në shumë mënyra: por kurrë s’do ta bëjë të dorëzohet. Asgjë s’e bëri.