Kandidati për kryeministër i Lëvizjes Vetëvendosje, Albin Kurti i shoqëruar nga deputeti I VV-së Glauk Konjufca kanë takuar në Ambasadën e ShBA-ve në Prishtinë ambasadorin amerikan Greg Delawie.
Sipas njoftimit për media në këtë takim u vlerësua mbarëvajtja e zgjedhjeve të 11 qershorit, u diskutua procesi i formimit të institucioneve të legjislaturës së gjashtë si dhe sfidat e punët që e presin qeverinë e ardhshme dhe shtetin e Kosovës në përgjithësi.
“ U trajtuan shumë tema si ajo e sundimit të ligjit dhe luftës kundër korrupsionit, zhvillimit ekonomik dhe investimeve të diasporës, marrëdhënies së Kosovës me Serbinë etj.
Përfaqësuesit e Lëvizjes Vetëvendosje! përsëritën gatishmërinë dhe interesimin e tyre për zgjerim të partneritetit dhe thellim të aleancës së Republikës së Kosovës me ShBA-të”, thuhet në njoftimin për media./BS
