Në Kosovë, njohës të ekonomisë thonë se vonesat në formimin e qeverisë do të kenë pasoja edhe në ekonominë e vendit, sidomos tek investimet e huaja.
Parlamenti shtyu sërish të enjten seancën konstituive pas bojkotimit që i bëri koalicioni fitues dhe deputetët e pakicave kombëtare.
Gjendja e tanishme ka bërë që partitë tjera në parlament të hedhin edhe ide për kërkimin e rrugëve tjera ligjore e kushtetuese, meqë edhe dy muaj që nga mbajtja e zgjedhjeve të përgjithshme, Kosova vazhdon të mbetet pa qeveri të re./VOA