Anëtarja e PDK-së, Arbana Xharra, ka akuzuar përmes rrjetit Facebook kryetarin e Komunës së Prishtinës, duke thënë se dihet kush ka huliganë brenda llojit dhe se Shpend Ahmeti është njëri prej ushqyesve më të mëdhenj të tyre.
Postimi i plotë:
Shpend Ahmeti me trup je i madh, por vogëlsia dhe shpirtngushtësia jote çdo ditë po vërehet. Dje paske provuar të përfitosh prej huliganizmave të të rinjve nëpër parqet e mjerueshme të Prishtinës.
Dihet kush ka huliganë brenda llojit dhe ti je njëri prej ushqyesve më të mëdhenj të tyre. Madje, i ke grumbulluar në institucionet e Prishtinës prej anembanë Kosovës dhe për huliganizmin e tyre po i shpërblen edhe me “kontrata për shërbime të veçanta”, duke u dhënë paga mujore prej taksave të prishtinasve.
Definitivisht s’ka ku degradon më poshtë ky, kur edhe sjelljet i ka fëmijërore!
Shumë zhgënjyes. Njeri i vogël!