(E plotësuar) - Trupi i pajetë i ish-kryeministrit të Kosovës Bajram Rexhepi ka mbërritur nga Stambolli në Prishtinë.
Arkivoli i tij, ka arritur në aeroportin ndërkombëtar “Adem Jashari”.
Duke filluar nga ora 10:00 në hollin e Kuvendit të Kosovës do të bëhen homazhe në nderim të veprës së ish-kryeministrit të Kosovës.
Ai ka ndërruar jetë dje në spitalin e Stambollit, ku vuante nga sëmundja e sulmit në tru.
Personalitete të larta politike të vendit dhe të rajonit kanë ngushëlluar familjen dhe popullin e Kosovës për humbjen e kryeministrit të parë të pasluftës në Kosovë.
Arkivoli i ish-kryeministrit Rexhepi arrin në Kosovë (Drejtpërdrejt)
Në aeroportin e Prishtinës, arrin arkivoli i ish-kryeministrit të Kosovës, Bajram Rexhepi nga Stambolli.
Rexhepi ishte duke u trajtuar në një spital atje, ku edhe ka ndërruar jetë.
Qeveria e Kosovës, tanimë ka bërë publike agjendën e ceremonisë mortore për ish-kryeministrin e Kosovës, Bajram Rexhepi.
Sipas një njoftimi të Qeverisë, e gjithë ceremonia do të mbahet nën patronatin e kryeministrit të Kosovës, Isa Mustafa,
Agjendë:
08:30 - Arritja e Arkivolit në Aeroportin Ndërkombëtar "Adem Jashari"
10:00-12:00- Homazhe në Hollin e Kuvendit të Republikës së Kosovës, në Prishtinë
12:00–12:30- Mbledhje Komemorative në Teatrin Kombëtar, në Prishtinë
13:30 deri në 14:45 arkivoli qëndron në shtëpi të të ndjerit, në Suhodoll)
15:00-16:00- Homazhe në Kuvendin Komunal të Mitrovicës, në Mitrovicë
16:00- Nisja e Arkivolit nga Kuvendi Komunal i Mitrovicës për te varrezat në Shipol
16:30 - Ceremonia e varrimit
