Lëvizjes Vetëvendosje i është shtuar edhe një anëtare që më parë kishte vepruar në radhët e Aleancës për Ardhmërinë e Kosovës.
Fjala është për Teuta Berishën, e cila aktualisht është asambliste e AAK-së në Obiliq.
Ajo ka zyrtarizuar sot aderimin e saj në Vetëvendosje.
Lëvizja Vetëvendosje përmes një komunikate njoftoi për këtë aderim duke thënë se Berisha u mirëprit nga Albin Kurti, i nominuari për Kryeministër nga kjo parti.
Sipas komunikatës, arsyeja për aderimin e Berishës është pakënaqësia e saj me udhëheqjen e AAK-së në Obiliq.
“Asambleistja e AAK-së në Kastriot, Teuta Berisha i është bashkuar Lëvizjes VETËVENDOSJE! Ajo është shprehur e zhgënjyer me qeverisjen e deritashme të komunës së Kastriotit. Berisha është shprehur se nuk janë realizuar ato për të cilat ajo ka shpresuar për këtë komunë dhe sot qytetarët e Kastriotit përballen me shumë probleme për shkak të keqqeverisjes”, thuhet në njoftim.
