Aleanca Kosova e Re e ka nominuar për kryetar të Komunës së Skenderajt, Musa Dervishajn, i cili njëherit është kryetar i kësaj partie dega në Skenderaj.
Lajmin për nominimin e Dervishajt për kryetar të kësaj komune e ka konifrmuar vet. Ai ka thënë se ka marrë mbështetje të madhe nga AKR për tu bërë pjesë e kësaj gare.
“Po unë jam nominuar për kryetar të Komunës së Skenderajt. Ky vendim ka qenë i mirëpritur nga kryesia qëndrore e partisë dhe Presidenti Pacolli”, u shpreh Dervoshaj.
I pyetur për rezultatin që ai e pret nga zgjedhjet e sivjetme lokale që janë përcaktuar të mbahen më 22 tetor, Dervishaj tha se presin rezultate të mira duke shtuar se “kemi punuar mjaft shumë për këto zgjedhje.”
Ndërsa për kundërkandidatin e tij të pavarur, Bekim Jasharin i cili për herë të parë po merr pjesë në zgjedhje, Dervishaj ka thënë se ka marrë një vendim të gabuar.
“Kandidimi i z. Jashari është çështje e tij, mirëpo për mendimin tim, ai është vendimi më i gabuar që ka marrë”, ka deklaruar ai.
Ndryshe, Dervishaj deri rreth një vit më parë kishte shërbyer në Partinë Demokratike të Kosovës, parti kjo e cila ka udhëhequr me Skenderajn që nga paslufta. Aderimi i tij nga PDK në AKR kishte ardhur si pasojë e disa pakënaqësive që Dervishaj i kishte pasur këtë parti.