Kryetari i Kuvendit të Kosovës, Kadri Veseli ka thënë se në përvjetorin e gjashtëmbëdhjetë të sulmeve terroriste të 11 shtatorit në Shtetet e Bashkuara të Amerikës, Kosova është përkrah popullit mik amerikan për t’i kujtuar dhe për të mos i harruar kurrë mbi 3.000 jetët që u morën mizorisht dhe për t’i nderuar heronjtë që shpëtuan njerëzit në flakë e gërmadha.
Veseli ka shkruar në facebook se Kosova po ashtu është palëkundshëm mbështetëse e luftës kundër terrorizmit.