Kryetari i AKR-së, Behgjet Pacolli në Rubikon kishte përmendur një shumë prej rreth 27.000 euro si hatërmbetje mes tij dhe LDK-së.
Ish-kryeministri i Kosovës, Isa Mustafa, ka hedhur poshtë këto duke thënë se të gjitha pagesat janë kryer nga llogaria e LDK-së. Fjala ishte për dënimet e KQZ-së karshi shkeljeve të kandidatëve të caktuar gjatë fushatës.
“Pagesën e kemi bërë ne, prej llogarisë tonë. Ne e kemi marrë një informatë prej KQZ-së, të gjitha kanë ardhur në emër te koalicionit”, ka thënë ai.
E presioni ndërkombëtarë, për të cilin kishte folur Pacolli, Mustafa thotë se e kishte vetëm si arsyetim dhe nuk qëndron.