Një delegacion i SBASHK-ut i kryesuar nga kryetari Rrahman Jasharaj ka pasur takime të ndara me Ministrin e Kulturës, Kujtim Gashi dhe atë të Arsimit, Shyqiri Byrtyqi.
Jasharaj, pasi i ka uruar detyrën e re, Ministrit Gashi , e ka informuar atë me shqetësimet e ngritura nga anëtarësia e SBASHK-ut që vijnë nga sektori i kulturës dhe ka treguar se është duke u punuar drafti i Kontratës Kolektive për këtë sektor, draft ky i cili do të analizohej edhe nga komisioni i kësaj ministrie në mënyrë që të krijoheshin kushtet që ajo edhe të nënshkruhej.
Gashi është shprehur i gatshëm që të bashkëpunojë me sindikalistët e arsimit gjitha çështjet dhe në shërbim të mbrojtjes së interesave të punëtorëve të kulturës.
Ai është shprehur se Ministria që drejton do të kryejë të gjitha obligimet që i takojnë në shërbim të kulturës në Kosovë. Në takimin me Ministrin e Arsimit, Shyqiri Bytyqi, kryetari i SBASHK-ut ka theksuar se janë shënuar arritje , por ende ka çështje që duhen zgjidhur me angazhime të përbashkëta duke kujtuar Ligjin për statusin e punëtorëve të arsimit shqip të Kosovës për vitet 90-ta dhe çështje nga Kontrata Kolektive të cilat ende nuk kanë gjetur zgjidhje nga institucionet lokale të pushtetit.