Presidenti i Kosovës Hashim Thaçi dhe zëvendëskryeministri i Kosovës dhe ministri i Jashtëm, Behgjet Pacolli gjatë qëndrimit në Asamblenë e Përgjithshme të OKB-së janë takuar me Sekretarin e Përgjithshëm të Organizatës për Bashkëpunim Islamik, shkëlqesinë e tij, Dr. Yousef bin Ahmad Al-Othaimeen
Pacolli ka shkruar në Facebook se ai dhe Thaçi kanë shprehur përkushtimet tyre për rritjen e përpjekjeve dhe angazhimeve të përbashkëta diplomatike për rritjen e numrit të njohjeve
Postimi i plotë:
Së bashku me Presidetin Thaçi pak më herët takuam Sekretarin e Përgjithshëm të Organizatës për Bashkëpunim Islamik, Shkëlqësinë e Tij, Dr. Yousef bin Ahmad Al-Othaimeen. E falenderuam për mbështetjen e vazhdueshme dhe të fuqishme që kjo Organizatë dhe shtete anëtare të saj i kanë dhënë dhe po i japin Republikës së Kosovës, në lidhje me konsolidimin e shtetësisë dhe integrimin e plotë të vendit tonë në bashkësinë ndërkombëtare. Shprehëm zotimet dhe përkushtimet tona për rritjen e përpjekjeve dhe angazhimeve të përbashkëta diplomatike për rritjen e numrit të njohjeve.
