Sot edhe zyrtarisht ka filluar fushata zgjedhore për zgjedhjet lokale të 22 tetorit. Deputetja e Lëvizjes Vetëvendosje, Albulena Haxhiu, përmes një postimi në facebook, ka shkruar se 22 tetori do të jetë tronditje për subjektet politike, duke paralajmëruar fitoren e Vetëvendosjes.
“22 tetori përfundimisht do të jetë vulosje e ndryshimit dhe tronditje për subjektet politike që janë përgjegjese për degradimin e vendit në nivelin qendor dhe lokal, aty ku kanë qeverisur”, ka shkruar Haxhiu, përcjellë “Bota sot”.
Ja postimi i plotë:
11 qershori shënoi një kthesë të madhe në Republikën e Kosovës. Falë mbështetjes së madhe qytetare, Lëvizja VETËVENDOSJE!, doli subjekti i parë në vend.
22 tetori përfundimisht do të jetë vulosje e ndryshimit dhe tronditje për subjektet politike që janë përgjegjese për degradimin e vendit në nivelin qendor dhe lokal, aty ku kanë qeverisur.
Se Lëvizja VETËVENDOSJE!, është i vetmi subjekt ndryshe dhe i vetmi subjekt që sjellë ndryshimin, e dëshmon edhe qeverisja e mirë në Prishtinë prandaj edhe kudo ku kam shkuar në komunat tjera, qytetarët kanë kërkuar qeverisje si në Prishtinë.
VETËVENDOSJE! ka programet më të mira për komunat e po ashtu ka kandidatët më të mirë që do t'i çojnë përpara këto programe!
Andaj, suksese gjithë kandidatëve tanë për kryetarë komuash dhe kanidatëve e sidomos vajzave e grave që garojnë për asambletë komunale.
Me mendje e me zemër për Komunën.
