Shefja e Zyrës së Bashkimit Evropian në Kosovë, Nataliya Apostolova i ka dhënë një goditje të radhës Beogradit zyrtar rreth formimit të Asociacionit të Komunave me Shumicë Serbe. Sipas saj, themelimi i Asocacionit do të bëhet vetëm duke respektuar ligjet e Kosovës, respektivisht vendimin e Gjaktës Kushtetuese.
Mirëpo, këto deklarata të zyrtares së BE-së kanë nxitur reagime nga përfaqësuesit e Listës Serbe. Me anë të një komunikate për media, kjo parti thotë se dënon fuqimisht deklaratën e Apostoloves.
“Zonja ka shprehur pikëpamjen se Asociacioni i komunave serbe do të formohet në përputhje me vendimin e Gjykatës Kushtetuese në Prishtinë. Nëse znj. Apostalova ka harruar se formimi i komunave serbe ishte obligim nga Prishtina në marrëveshjen e Brukselit dhe jo në bazë të disa vendimeve të disa gjykatave. Lista serbe dhe populli serb nuk do të pranojë krijimin e Bashkimit përtej asaj që është ekipi negociues i Beogradit nënshkruar”, thuhet në reagim.
Fakti që themelimi i komunitetit të komunave serbe deri më tani është vonuar nuk do të thotë që kemi harruar dhe se do të kalojmë mbi interesat tona.
“Ajo që na befason është kjo deklaratë e përfaqësuese speciale të Bashkimit Evropian, e cila në procesin e negociatave duhet të jetë një ndërmjetëse neutrale. Nëse deklarata e znj. Apostalova në Bashkimin Evropian është zhgënjyese, kjo do të thotë se Bashkimi Evropian nuk respekton as ato marrëveshje që janë garantuese e zbatimit”, sqaron kjo parti.
