Aktivisti i shoqërisë civile Agron Demi përmes një reagimi në facebook ka thënë se qeveria nuk kishte ndonjë program për funksionimin e Agjencisë së Akreditimit.
Sipas tij, Qeveria dje ka bërë shkarkimin e këtij bordi vetëm pse aty u morë vendim që mos të lejohen regjistrimet masive pa kritere
Komenti i tij i plotë në facebook:
Tre muaj e gjysmë më parë janë mbajtur zgjedhjet dhe asnjëra prej partive të koalicionit në programet e tyre nuk e ka pas asnjë rresht për funksionimin e Agjencisë së Akreditimit.
Një javë më herët është aprovu Programi i Qeverisë 2017-2021, në të cilin nuk thuhet asgjë për punën e Bordit të AKA-së, përveç që sygjerohet me e ngritë në nivel të agjencisë dhe se e konsideron problem pranimet masive pa kriter te studentëve.
Dje, booom: Qeveria shkarkon Bordin, i cili një ditë më parë ka marr vendim pikërisht për mos me i leju pranimet masive pa kritere.
Ky është edhe një shembull se si programet partake, zgjedhore e qeveritare, janë sa për sy e faqe. Agjendat i caktojnë grupet e interesit, të cilat për fat të keq janë me shumicë në institucionet e arsimit të lartë.
