Ministri Bytyqi priti shefen e Zyrës së BE-së, Nataliya Apostolova - Bota Sot
Ministri Bytyqi priti shefen e Zyrës së BE-së, Nataliya Apostolova

Aktuale

E diel, 19 nëntor 2017

Ministri Bytyqi priti shefen e Zyrës së BE-së, Nataliya Apostolova

Më: 3 tetor 2017 Në ora: 18:05
Pamje nga takimi

Ministri i Arsimit, Shkencës dhe Teknologjisë, Shyqyri Bytyqi, priti sot në takim shefen e Zyrës së Bashkimit Evropian në Kosovë, Nataliya Apostolova, me të cilën ka biseduar për përkrahjen e BE-së në realizmin projekteve të ndryshme në arsim, të cilat ndërlidhen me përmirësimin e cilësisë në arsim në të gjitha nivelet, zhvillimin e vazhdueshëm profesional të mësimdhënësve dhe plotësimin e nevojave hapësinore për aplikimin e mësimit tërëditor.

Siç njofton MASHT-i, ministri Bytyqi e informoi Apostolovan me gjendjen e përgjithshme në arsim dhe aktivitetet e Ministrisë së Arsimit, të cilat ndërlidhen drejtpërdrejt me përmirësimin e kualitetit në arsim, duke shprehur vendosmërinë për të quar përpara proceset e rëndësishme në këtë fushë.

Ministri Bytyqi, po ashtu e falënderoi zyrën e BE-së për mbështetjen e pakursyer përmes  projekteve të shumta që kanë kontribuar dhe po ndikojnë në përmirësimin e mësimdhënies dhe mësimnxënies në Kosovë.

Në anën tjetër, Apostolova theksoi se Bashkimi Evropian është i gatshëm për të vazhduar bashkëpunimin e ngushtë me Ministrinë e Arsimit në përmirësimin e mëtejmë të sistemit arsimor. Apostolova po ashtu e uroi ministrin Bytyqi për performancën në Konferencën “Platforma e Ballkanit Perëndimor për Edukim, Trajnim, Hulumtim dhe Inovacion”.

Komentet
comments powered by Disqus
Sot mund të lexoni Shfletoni kopertinat
Sondazh
    test