Thaçi kërkon nga NDI mbështetje edhe për Shoqërinë Civile

Aktuale

Thaçi kërkon nga NDI mbështetje edhe për Shoqërinë Civile

Më: 6 tetor 2017 Në ora: 12:45
Hashim Thaçi ka pritur sot në takim presidentin e Institutit Nacional Demokratik (NDI), Kenneth Wollack

Presidenti i Kosovës, Hashim Thaçi ka pritur sot në takim presidentin e Institutit Nacional Demokratik (NDI), Kenneth Wollack të shoqëruar nga drejtori për Evropën Qendrore dhe Lindore, Robert Benjamin dhe drejtori për Kosovë, Alexander Chavarria.

Thaçi ka falënderuar udhëheqësit e NDI-të, për mbështetjen që ata i kanë dhënë zhvillimit të demokracisë në Kosovë.

Siç njofton zyra për informim e Presidenti, Thaçi ka shtuar se mbështetja e NDI-të ka qenë e rëndësishme jo vetëm në krijimin e institucioneve, por edhe në krijimin e një kulture dhe vetëdije për të drejtat demokratike në Kosovë.

Nga ana tjetër, presidenti i NDI-t, Kenneth Wollack ka thënë se ky Institut do të vazhdojë mbështetjen në forcimin e mëtejmë të institucioneve demokratike në Kosovë, përmes projekteve të ndryshme.

Presidenti ka kërkuar nga NDI që krahas mbështetjes për institucionet të vazhdojë edhe mbështetja për shoqërinë civile, si shtyllë kryesore e zhvillimit të demokracisë në shoqërinë tonë.

Sot mund të lexoni Shfletoni kopertinat