Lumir Abdixhiku, deputet i Lidhjes Demokratike të Kosovës, njëherit edhe kryesues i Komisionit për Buxhet dhe Financa, përmes një postimi në facebook, ka treguar pse LDK ka votuar kundër rishikimit të buxhetit.
“Sot në Komisionin për Buxhet dhe Financa, të cilin e kryesoj, trajtuam rishikimin buxhetor. LDK votoj kundër sepse:
- Buxheti heqë fondet e sigurimeve shëndetësore.
- Zvogëlon investimet kapitale nëpër Kosovë.
- Rritë benefitet për veteranë, numri i të cilëve po shtohet edhe sot.
Një buxhet që merr prej shëndetësisë e u jep listave fallce prej militantësh - gjoja veteranë - nuk është buxhet i gjithë qytetarëve të Republikës. Prandaj dhe jam kundër.
Fatkeqësisht këtë ligj, pas dy orë diskutimesh s'arritëm ta ndalojmë për shkak të votave të pozitës”, ka shkruar në postimin e tij Abdixhiku, përcjellë “Bota sot”.
