Ish kandidati për deputet nga PDK, Naim Bazaj, tashmë haptas ka dalë kundër kandidatit të PDK-së për kryetar të Komunës, Ramiz Lladrovcit.
Nga disa foto të publikuara sonte, shihet se Naim Bazaj në odën e tij e ka pritur kundërkandidatin e Ramiz Lladrovcit, Isa Xhemajlaj, që është kandidat për kryetar të Drenasit nga radhët e Nisma për Kosovën.
Përveç Xhemajlajt, aty ishte edhe Jakup Krasniqi dhe një numër i madh i simpatizantëve të NISMA-së.
Kjo është edhe një goditje për Ramiz Lladrovcin dhe PDK-në në Drenas, degë në ë cilën kanë shpërthyer pakënaqësi të shumta me kandidimin e Lladrovcit nga Kadri Veseli për të parin e Komunës, shkruan “Bota sot”.