Policia e Kosovës ka arrestuar një person në Prishtinë, pasi e ka kapur duke vjedh një veturë. Sipas njoftimit nga Policia, i dyshuari, duke tentuar të arratiset, ka goditur me veturën e tij ka goditur tre zyrtarë policorë dhe është aksidentuar me automjetin zyrtar.
Si pasojë, e gjuajtjes me armë të zjarrit ndaj të dyshuarit, janë lënduar edhe policët.
“Rr. “Idriz Gjilani”, Prishtinë 19.10.2017-05:57. Është arrestuar i dyshuari mashkull K/Shqiptar, pasi që i njëjti është zënë në flagrancë duke tentuar ta vjedhë një veturë dhe në përpjekje për t’u arratisur, me veturën e i tij ka goditur tre zyrtarë policorë dhe është aksidentuar me automjetin zyrtar. Zyrtarët policorë janë detyruar që ndaj të dyshuarit, ta përdorin armën e zjarrit, me qëllim të evitimit të veprimeve të rrezikshme. Si pasojë, zyrtarët policorë kanë pësuar lëndime trupore dhe janë dërguar për tretman mjekësor, ndërsa lëndime ka pësuar edhe i dyshuari i cili pas tretmanit mjekësor me vendim të prokurorit, është dërguar në mbajtje. Lidhur me rastin janë njoftuar autortitetet kompetente”, thuhet në raportin 24-orësh të PK-së./BS
