Një person është arrestuar nga policia sot pasi që kishte hyrë në Qendrën e votimit në fshatin Gushavc me flamur të AKR-së, bëjnë të ditur burime.
Sipas këtyre burimeve, personi në fjalë kishte hyrë me automjetin e tij në oborrin e kësaj qendre, ndërsa flamurin e AKR-së e kishte vënë në pjesën e parme të automjetit të tij.
Burime të mediave brenda policisë, kanë konfirmuar se personi në fjalë është nga fshati Gushavc i Mitrovicës, i cili aktualisht është duke dhënë deklaratë në polici rreth kësaj ngjarje.
Media ka provuar të kontaktojë me shtabin zgjedhor të AKR-së në Mitrovicë por një gjë e tillë ka qenë e pamundur.
