Kryeministri i Kosovës, Ramush Haradinaj, priti sot në takim komisionarin e lartë të OSBE-së për pakicat kombëtare, Lamberto Zannier, me të cilin bisedoi për bashkëpunimin rajonal, integrimin në shoqëri dhe avancimin e të drejtave të minoriteteve, përmes edukimit dhe rritjes së mirëqenies sociale.
Haradinaj theksoi se Kosova ka bërë hapa konkret dhe të qëndrueshëm në promovimin dhe avancimin e të drejtave të të gjitha minoriteteve, dhe integrimin e tyre në institucionet e Kosovës.
Ndërsa, Zannier vlerësoi dinamikën qeverisëse të kryeministrit Haradinaj në avancimin e proceseve të përgjithshme në Kosovë, veçanërisht me integrimin e mirë të të gjitha komuniteteve.
