Viktimat e dhunës seksuale të luftës se fundit në Kosovës do të marrin pensione prej 230 euro në muaj, ani pse organizatat që kanë bërë verifikimin e tyre dhe vetë qendra për rehabilitimin e të mbijetuarve nga tortura kishin kërkuar që kjo shumë te jetë nga 300 euro në muaj.
Sipas Qendrës për Rehabilitimin e të Mbijetuarave nga Tortura, janë rreth 1200 viktima të dhunës seksuale që janë regjistruar, ndërsa jo të gjitha do të aplikojnë për pensione. Disa prej tyre nuk e dëshirojnë të marrin këtë pension nga shteti.
Drejtoresha Ekzekutive e QKRMT-së Feride Rushiti, ka thënë se më në fund po jetësohet kërkesa e tyre e kamotshme që të mbijetuarit e dhunës seksuale t’iu njihet statusi dhe t’iu jepen pensionet e garantuara me ligj.
“Shuma prej 230 euro është një shumë solide dhe e mirëpritur nga ne por edhe vet të mbijetuarit, duke pasur parasysh mundësitë buxhetore të Kosovës. Edhe një shumë dukshëm më e madhe nuk do I shlyente vuajtjet e tyre, por ky pension personal se paku do iu mundësoj mbulimin e shpenzimeve bazike që në të shumtën e rasteve janë për medikamente dhe procedura mjekësore dhe çka është edhe më e rëndësishme caktimi I shumës ka edhe simboliken e mbështetjes shtetërore, gjë që ka munguar deri më tani. Të vetmen mbështetje e kanë pasur nga organizatat joqeveritare, si në ofrimin e shërbimeve shëndetësore, psikosociale dhe ligjore po ashtu edhe në fuqizimin ekonomik” ka thënë Drejtoresha Ekzekutive e QKRMT-së Feride Rushiti për gazetën “Bota sot”.
