Deputeti i NSIMA-s për Kosovën, Zafir Berisha dhe ish-kandidatë për kryetar të Prizrenit ka thënë se në zgjedhjet e së dielës, qytetarët do të ndëshkojnë krimin e bandës së klanit “Pronto” në Prizren.
Ai ka thënë se në Prizren ndryshimi vjen me n e Mytaher Haskukes nga Lëvizja Vetëvendosje.
“Mytaher Haskuka do t’i fitojë zgjedhjet e së dielës, sepse duhet ndëshkuar krimi dhe banda e klanit “Pronto”, tha Berisha për “Bota sot”.
Ai më tej tha se të gjithë votuesit e NISMA-s në këtë qytetet do të votojnë për kandidatin e VV-së.
“Deri dje kam menduar se 90 për qind e votuesve të mijë do të votojnë për Haskuken e Vetëvendosjes, por tashmë jam i sigurtë se më shumë se 100 qind për qind të votuesve do të votojnë për Mytaherin, e jo për inspektorin Shaqa që përfaqëson klanin “Pronto”. Pra qytetarët do të votojnë për ndryshim në Prizren, e ndryshimi në Prizren vjen me n e Mytaher Haskukes”, shtoi Berisha.
Ndryshe, në zgjedhjet e së dielës për kryetar të Prizrenit, do të garojë Mytaher Haskuka i Lëvizjes Vetëvendosje dhe Shaqir Totaj nga Partia Demokratike e Kosovës.