Është shtyrë sërish seanca gjyqësore ndaj katër deputetëve të Lëvizjes Vetëvendosje për shkak se deputetët Albin Kurti, Albulena Haxhiu dhe Donika Kadaj nuk janë paraqitur sërish në gjykatë.
Kryetari i trupit gjykues ka urdhëruar që të lëshohet urdhër arrest për ndalim me arrestim dhe dërgim në qendër të paraburgimit ndaj Kurtit, Haxhiut dhe Kadajt.
Në seancë ishte i pranishëm sot ishte vetëm deputeti Faton Topalli.
Ndërkohë, në seancë sot nuk u paraqitën as të dëmtuarat e këtij rasti, deputetet e PDK-së, Flora Borvina e Blerta Deliu-Kodra.
Katër deputetët e VV-së akuzohen për rastin e hedhjes së gazit lotsjellës në Kuvend.
Seanca e fundit lidhur me këtë rast ishte paraparë të mbahej më 10 tetor, por ishte shtyrë për shkak se në seancë nuk ishin të pranishëm: Albin Kurti dhe Donika Kadaj-Bujupit.
