Janë arrestuar tre deputetë të lëvizjes Vetëvendosje Albin Kurti, Donika Kada-Bujupi e Albulena Haxhiu. Deputetët derisa kanë qenë duke shkuar në vazhdimin e seancën së Kuvendit të Kosovës, ata janë arrestuar nga Policia e Kosovës për shkak se pas thirrjes nga Gjykata nuk janë paraqitur aty gjatë ditës së djeshme, lidhur me hedhjen e gazit lotsjellës në Kuvend.
Nënkryetarja e Lëvizjes Vetëvendosje Fatmire Mulhaxha- Kollcaku ka thënë për “Bota sot” se ky është një shtetrrethim dhe se arrestohen deputetët e Kuvendit të Kosovës derisa kriminelet shëtisin të lirë.
“Shtetrrethim. Arrestohen deputetet e Kuvendit e kriminelet lirohen dhe shëtisin të lirë. Vetëvendosje po sulmohet nga të gjitha anët. Po e paguajmë për shkak të përkrahjes se madhe qytetare. Ne pikërisht terë kohën e kemi cekur ketë që u pa çartë edhe sot Shtet komplet i kapur. Ata që po angazhohen për sundim të ligjit dhe barazi nuk janë të dëshiruar” ka thënë nënkryetarja e Vetëvendosjes.
Po ashtu, sipas saj dënimet prej 21 vitesh për aktivistët dhe deputetin e pafajshëm, arrestimet e sotme të deputeteve flasin për shtetin policor.
“Po japin mesazh të çartë për të gjithë ata që po donë me e ndal krimin e organizuar dhe korrupsionin e që po tentojnë të krijojnë një shtet ligjor. Ne jemi këtu. Ne nuk shkojmë askund. Beteja jonë vazhdon përkundër përpjekjeve për të na zhdukur nga faqja e dheut”, ka thënë Fatmire Mulhaxha-Kollçaku për gazetën “Bota sot”.