Deputeti i Kuvendit të Kosovës nga radhët e Nismën për Kosovën, Zafir Berisha, përmes një postimi në Facebook, ka reaguar pas akuzave të PDK-së për manipulim të procesit të votimit në Prizren.
Berisha shkruan se, klani “Pronto” e humbi Prizrenin përfundimisht me 19 nëntor dhe kaluan në opozitë si rezultat i vullnetit qytetarë, përcjell “Bota sot”.
“Klani “Pronto” dhe mbështetësit e tyre politikë në Prizren, përfundimisht me 19 nëntor e humbën pushtetin dhe kaluan në opozitë, si rezultat i vullnetit qytetar”, shkruan ndër tjerash ai.
Ja postimi i plotë i Zafir Berishës:
Klanit Pronto dhe mbështetësit e tyre politikë në Prizren, përfundimisht me 19 nëntor e humbën pushtetin dhe kaluan në opozitë, si rezultat i vullnetit qytetar. Përkundër kësaj Klani Pronto vazhdon me abuzimin e institucioneve komunale.
Klanit Pronto nuk i mjaftoj abuzimi me pushtetin për 10 vite, përkundrazi në ditët e tyre të fundit në pushtet kanë vazhduar me punësime të paligjshme dhe klientelist, me vazhdim të njëanshëm të kontratave të punës për militantët e tyre partiak, me hapjen e proceseve të tenderëve pa mbulesë financiare, e shumë veprime të tjera arbitrare.
Ne bëjmë apel publik, që të ndalen këto veprime arbitrare, ngase të gjithë ata zyrtar komunal të cilët janë duke abuzuar me pushtetin dhe autoritetin e tyre ligjor, do të procedohen në prokurori dhe gjykata.
Gjithashtu të gjitha punësimet e militantëve të Klanit Pronto, do të anulohen, do ti ndërpriten kontratat e njëanshme të punësimit, ngase të njëjtat janë joligjore.
Do të rishqyrtohen dhe anulohen të gjitha procedurat e tenderimeve në periudhën e tranzicion të pushteteve, shumë operator ekonomik do të pësojnë, si pasojë e tenderimeve arbitrare.
Udhëheqja e re komunale me Mytaher Haskuka kryetar, do të jetë shumë energjike dhe e pa kompromis ndaj të gjithë abuzuesve dhe përfituesve të cilët në mënyrë të kundërligjshme e dëmtojnë interesin dhe paren publike. Ndalni abuzimet, reagimi ynë institucional do të jetë shumë i ashpër dhe pa kompromis.
Zafa
