Hoti-Haradinajt: Mos shit trimëri - Bota Sot
Hoti-Haradinajt: Mos shit trimëri

Aktuale

E premte, 15 dhjetor 2017

Hoti-Haradinajt: Mos shit trimëri

Më: 7 dhjetor 2017 Në ora: 13:46
Shefi i Grupit Parlamentar të LDK-së, Avdullah Hoti

Shefi i Grupit Parlamentar të LDK-së, Avdullah Hoti e ka kritikuar ashpër programin e Qeverisë Haradinaj. Ky i fundit i është përgjigjur Hotit për sulmet që po u bëhen në vazhdimësi anëtareve të Komisionit për Demarkacionin.

Por Hoti përsëri e ka replikuar Haradinajn, duke i thënë se ka pritur që kryeministri sot në foltoren e Kuvendit të flas për programin e tij qeverisës dhe premtimet që i ka dhënë gjatë fushatës elektorale.

Tutje Hoti i ka thënë Haradinajt se nuk mund të flas nga foltorja e Kuvendit se kush është më shumë apo më pak patriot. Ka thënë se Haradinaj nuk guxon që askënd ta kërcënojë si kryeministër i vendit.

“Ne qëndrimin e kemi të qartë për këtë çështje. Jo të merremi me raporte që merren komisione të ndryshme. Kush është më patriot e më pak, nuk është mirë që kryeministri të bëjë kërcënime. Ju i keni dhënë premtimet elektorale.  Unë prita që ju të dilni e të flisni për premtimet elektorale. Nuk guxoni ta kërcënimi askënd si kryeministër”, ka thënë Hoti.

Haradinaj i është përgjigjur Hotit se Komisioni për Shënjimin e Kufirit të Kosovës është i njëjti siç ka qenë dikur.

“Ju më keni thirre për dokumentin që ua kam sjellë në fillim kur e kam nisë qeverisjen. E dyta, nuk kom qejf më u nguc me askënd tepër. Keni parasysh, Komisioni Shtetëror i Kosovës ky është sot, është i njëjti si ai që ka ekzistuar dikur”, ka thënë Haradinaj.

Sot mund të lexoni Shfletoni kopertinat
Sondazh
    test